बुंगद्यःथाय् क्षमा पुजा जुल

बुंगद्यःथाय् क्षमा पुजा जुल
किपाःविकास माली/ नेपालमण्डल टेलिभिजन, २०७७ असार २०


असार २० - बुंगद्यःयाथाय् थौ सुथय् क्षमा पुजा यागु दु। 

बुंगय् च्वंगु देग दयेकेत तःबहालय् क्षमा पुजा याःगु खः। वंगु बैशाख १२ चौलागा पारूखुन्हू द्यःयात रथय् विज्याकेमागुलिइ अथे यायेमफुगुलिइ द्यःयात तःबहालय् विज्याकातगुलिइ अन सुथय् क्षमा पुजा याःगु खः । 

अथेहे पुच्वय् न घकु गुथियारतयसं थाैं हे घचाः पुजा याःगु दुसाः थाैं हे सुथय् तंगलय् चकबाःद्यःया दयेकाच्वंगु रथय् घचा तगु दु।

थ्वहे दथुइ, द्ययात रथय् तयेगु साइत वइगु असार २४ गते पिहाँवगु दु।