मण्डेकाजी श्रेष्ठ व गौरीका सिंह थुगुसिया उत्कृष्ट कासामी घोषित

मण्डेकाजी श्रेष्ठ व गौरीका सिंह थुगुसिया उत्कृष्ट कासामी घोषित


पुस २९ - एनएसजेफ पल्सर स्पोर्टस् अवार्डय् पौडीया गौरीका सिंह व कराँतेया मण्डेकाजी श्रेष्ठं उत्कृष्ट मिसा व मिजं कासामीया अवार्ड त्याकादिगु दु ।

नेपाल खेलकूद पत्रकार मञ्चं यागु अवार्डय् गौरिका सिंह व मण्डेकाजी श्रेष्ठ उत्कृष्ट मिसा व मिजं कासामी घोषित जुयादिगु खः।

विसं २०७६ य् राष्ट्रिय व अन्तर्राष्ट्रिय खेलकूद प्रतियोगिताय् याःगु प्रदर्शनया आधारय् निम्ह उत्कृष्ट खेलाडीया रूपय् घोषित जुयादिगु खः।

अथेहे नेपाली राष्ट्रिय महिला भलिबल टोली वर्ष २०७६ या उत्कृष्ट टोली घोषित जुगु दु। थगुने महिला भलिबलय् नेपालं ऐतिहासिक सफलता प्राप्त यागु खः। अथेहे भोटिङया आधारय् जुगु पिपल्स च्वाइस अवार्डया उपाधि भलिबलया कप्तान अरुणा शाहीइ त्याकादिल। अरुणां कूल ३७५२ प्रतिशत मत कयादिगु खः ।अरुणायात उगु अवार्ड त्याकेगु लागि पोखराय् अभियान हे न्ह्याकुगु खः।

अथेहे उत्कृष्ट युवा कासामीया अवार्ड गल्फया सुवास तामाङं त्याकादिलसाः छगु हे कासापाखें सर्वाधिक १२ स्वर्ण पदक बिइकुम्ह तेक्वान्दोया प्रमुख प्रशिक्षक नवीनकुमार श्रेष्ठ उत्कृष्ट प्रशिक्षक जुयादिल।

टेवलटेनिसया ऐतिहासिक पदक विजेताद्वय गीता क्षेत्री व सिजरिन शाह लाइफटाइम अचिभमेन्ट अवार्डपाखें सम्मानित जुयादिल ।निम्ह सन् १९९१ य् जुगु ५ क्वःगु दक्षिण एशियाली खेलकूदया स्वर्ण विजेता खः । नेपाली मिसा कासामीइ सागय्र त्याकुगु थ्व न्हापांगु स्वर्ण पदक खः।

थुगुसिया स्पेसल अवार्ड एथलेटिक्सया सन्तोषी श्रेष्ठ व तेक्वान्दोया आयशा शाक्यं मंका कथं कयादिल । पारा एथ्लिट अवार्ड थुगुसिइ ह्वीलचियर बास्केटबल व क्रिकेट कासामी दिगमसिंह चेम्जोङं कयादिल।

१० विधाय् अवार्ड ब्यूगु खः। दँय् दँसं विश्व खेलकूद पत्रकार दिवस, जुलाइ २ य् यानावयाच्वगु अवार्ड कोरोना महामारीया कारण थुगुसिइ खुलालिपा म्हिगः यलया सातदोबोटोय् दुगु कराँते हलमा यागु खः।