माइतीघर मण्डलाय् विरोध याःपिं ब्वमितयत ज्वन (भिडियो)

भारतं दार्चुलाया लिपुलेक जुया मानसरोवर स्वाइगु लँ दयेकुगु विरोधय्  प्रदर्शन



बैशाख २७ -  भारतं दार्चुलाया लिपुलेक जुया मानसरोवर स्वाइगु लँ दयेकुगु विरोधय्  प्रदर्शनय् कुहाँवपिं ब्वमितयत प्रहरीं नियन्त्रणय् काःगु दु । माइतीघर मण्डलाय् भारतं नेपाली भूमिइ लँ दयेकुगु तर नेपाल सरकार सुंम्क च्वनाच्वंगु विरोधय् प्रदर्शन यागु खः । १३ म्ह प्रदर्शनकारीतयत प्रहरीं ज्वना भ्यानय् तया यंकुगु खः ।  

भारतं नेपाली भूमि कालापानी, लिपुलेक जुया चीनया तिब्बतय् च्वंगु धार्मिकस्थल मानसरोवर वनिगु  सडकमार्ग शुक्रबाःनिसें सञ्‍चालनय् हगु खः । नेपाली पक्षलिसें छुं न सल्लाह मयासे एकति ढंग दयेकुगुु उगु लँ शुक्रबाः भारतया रक्षामन्त्री राजनाथ सिंहं दिल्लीं भिडियो कन्फरेन्समार्फत उलेज्या यानादिगु खः ।