सुनागूया ठेकेदारं ग्राभेलया ज्या न्ह्याकल, पिच मजुतलें आन्दोलन मदिइगु

सुनागूया ठेकेदारं ग्राभेलया ज्या न्ह्याकल, पिच मजुतलें आन्दोलन मदिइगु
किपा नेवाज्


कार्तिक २० - स्थानीय बासिन्दाया दबाबलिपा यलया सुनागू लागाया ठेकेदारं लँय् ग्राभेलया ज्या शुरू याःगु दु।

पिच मजुतलें आन्दोलन मदिकेगु स्थानीय बासिन्दाया दबाबलिपा ठेकेदारं म्हिग बहनी ग्राभेल  हया ज्या सुरु याःगु खः। तर पिच मयातले आन्दोलन मदिकेगु नेवाज क्लबया अध्यक्ष निरोज महर्जनं धयादिल।

यल महानगरपालिकाया वडा ल्याः २७ य् लाःगु सुनागू लागाय् ताइलंनिसें लँय् पीच मयागु धासें स्थानीय बासिन्दा वंगु आइतबाःनिसें आन्दोलनय् कुहाँवगु खः। ठेकेदारं सडक विस्तारया लागि धकाः स्यकुगु लँ मदयेकुसें अलपत्र त्वःतुसेलिइ स्थानीयं तकःमछि आन्दोलन यानावयाच्वंगु खः ।इमिसं सुथसिया ७ ताईलंनिसें सनिलया ५ ताइतक  सडक बन्द याःगु दु ।  तर अत्यावश्यक सामग्रीया गाडीयात धासाः न्ह्याके बियाच्वंगु दु । ठेकेदारं लँ पीच यायेत अग्रिम भुक्तानी कया ज्या मयागु स्थानीयया द्वप दु।  

ढोलाहिटी–सुनाकोठी–चापागाउँ सडक विस्तारया जिम्मा शैलुङ कन्स्ट्रक्सन जेभीइ काःगु खः । शैलुङ कन्स्ट्रक्सनया थुवाः शारदाप्रसाद अधिकारी नेकपाया नायः पुष्पकमल दाहाल प्रचण्डया छेँय् थुवाः खः। प्रचण्ड च्वनिगु छेँय् तक पिच याम्ह ठेकेदारं ढोलाहिटीपाखेंया लँ अथें हे त्वःतुगु धासें स्थानीयं बिरोध याःगु खः । ठेक्का काःगु ६ दँ दयेधुक्कुगु जुसाः नं लँ तब्याः यासाँ नं पीच मजुनिइ ।