प्रतिनिधिसभा विघटनविरुद्ध लाःगु १३ रिटय् सुनुवाई जुइगु

प्रतिनिधिसभा विघटनविरुद्ध लाःगु १३ रिटय् सुनुवाई जुइगु


पुस ८ - प्रतिनिधिसभा विघटनविरुद्ध लागु रिटयात कया थौं सुनुवाई जुइत्यगु दु।

संसद विघटन यायेगु सरकारया निर्णयविरुद्ध सर्वोच्च आदलतय् १३ गू रिट लाःगु दु। रिटमध्ये छगू जक तप्यकं संवैधानिक इजलासय् पेश जुइ । ल्यदनिगु फुक्क रिट इजलासय् पेश जु । मन्त्रिपरिषदया सिफारिसय् राष्ट्रपति विद्यादेवि भण्डारीइ संसद भंग यासेलिइ संविधानविदतयसं प्रधानमन्त्रीइ छिउगु कदम गैह्रसंवैधानिक धागु दु । प्रतिनिधिसभा पुनस्थापना यायेत विपक्षी दललगायत थीथी क्षेत्रपाखें तच्वगु दबाब लागु दु। तर, प्रधानमन्त्री केपी शर्मा ओली वइगु बैशाखय् मध्यावधि चुनाव याकेगु अडान कयाच्वनादिगु दु। आः थुकियाबारे निर्णय याइगु निकाय सर्वाेच्च अदालत हे जुइ।

सर्वोच्चया संवैधानिक इजलाशं थुकियात निकास बिइमागु कानुनविद्तयसं धयाच्वगु दु ।

थ्वया न्हय् नं सर्वोच्चं निकः  संसद विघटनया बारेय् फैसला न्यकुगु खः। मनमोहन अधिकारी व गिरिजाप्रसाद कोइरालाया संसद विघटनबारे सर्वोच्चं फरक–फरक फैसला न्यकेधुक्कुगु दु। सर्वोच्च अदालतपाखें हे मन्त्रिपरिषद्या निर्णयया विवादबारे अन्तिम निर्णय जुइ।