खाेप केन्द्रतक वनेमफूपिंन्त छेँय् छेँय् वनाः खोप बिइत सर्वाेच्चया अन्तरिम आदेश

खाेप केन्द्रतक वनेमफूपिंन्त छेँय् छेँय् वनाः खोप बिइत सर्वाेच्चया अन्तरिम आदेश


साउन २९ -  सर्वाेच्च अदालतं खोप केन्द्रतक वनेमफूपिं ज्येष्ठ नागरिक, न्यासी जुइमफूपिं नागरिकतय्त छेँय् छेँय् वनाः कोरोनाविरुद्धया खोप बिइत अन्तरिम आदेश जारी याःगु दु। न्यायाधीश प्रकाशकुमार ढुंगानाया एकल इजलासं थाैं शुक्रवाः सरकारया नामय् थ्व आदेश जारी याःगु खः। 

अधिवक्ता प्रवेश केसीइ प्रधानमन्त्रीलिसें मन्त्रिपरिषदया ज्याकुयात विपक्षी दयेकाः ज्येष्ठ नागरिकयात कोरोना खोप सहज उपलब्ध याकेत माग तयाः रिट निवेदन दर्ता यानादिगु खः। 

सर्वाेच्चं खोप केन्द्रतक  वनेमफूपिं नागरिक, अस्पतालं पहिचान यापिं दीर्घ रोगी व फरक क्षमता दुपिं व निगंलः मिखां ज्या मब्यूपिं नागरिकयात छेँय् वनाः खोप बिइत अन्तरिम आदेश जारी याःगु खः।