हरिसिद्धि टौखेल लँ पीच मयाःगु धासें स्थानीयपाखें बन्द

हरिसिद्धि टौखेल लँ पीच मयाःगु धासें स्थानीयपाखें बन्द


मंसिर ६ -यलया हरिसिद्धि टौखेल लँ पीच मयाःगु धासें स्थानीयवासी लँ बन्द यानाः प्रदर्शन याःगु दु।

बाँडेगाँ, सिभिलचोक ठैबय् खिपं, ड्रम, साइकल व ल्वहँ थज्याःगु  सामान तया स्थानीयबासिन्दा सोमबाः सुथंनिसें लँ बन्द याःगु खः । ताः ईनिसें लँ पीच यायगु धासाः नं ठेकेदारं ज्या मयासेलिं लँ बन्द यानाः आन्दोलन यायेमाःगु स्थानीय धागु दु । लँय् ग्राभेल जक लानातःगुलिं लँधुछि गाः वनाः लँय् जुइमछिंगु स्थानीयं धागु दु।

गोदावरी नगर १४ या वडाध्यक्ष जगतनाथ महर्जनं कच्ची लँय् धुँ व कुँ ब्वःया मनूत च्वने मफूगु अवस्था वयेधुक्कुंगु दु। ठेकेदारं मंसिरतकया दुने लँय् पीच यायेगु आश्वासन ब्यूगु धासें वय्कलं कन्हय् निसें ज्या मयासाः स्थानीयं अझं लँ बन्द यानाः आन्दोलन यायेत बाध्य जुइ धयादिल।

निर्माण सुरु जूगु ५ दँय् दयेधुंकुसाः नं थ्व लँय् पीच मजुनिइ। थ्व लँ निर्माणया ठेक्का सम्झौता २०७३ साल असारय् जूगु खसाः सिएम कन्टक्सनं लँ पीच यायेगु ठेक्का काःगु खः।