टेकु अस्पतालं थनिनिसें कोभिड बिरामीया जक वासः याइगु

टेकु अस्पतालं थनिनिसें कोभिड बिरामीया जक वासः याइगु


चैत ३१ - येँय्या टेकुइ च्वंगु शुक्रराज ट्रपिकल तथा सरूवा रोग अस्पतालं मंगलबाःनिसें कोभिड उपचार सेवाजक बिइगु धागु दु।

अस्पतालया निर्देशक डा. सागर राजभण्डारीया कथं अस्पतालया अन्तरंग सेवाअन्तर्गत आः कोभिड बिरामीया जक वासः याइगु जूगु दु। 

लिपांगु इलय् कोरोना संक्रमण अप्वगुलिं ननकोभिड सेवा बन्द यानाः अस्पतालया अन्तरंग सेवायात कोभिडया जक उपचार सेवा बिइगु यानाः व्यवस्था जूगु निर्देशक राजभण्डारीइ धयादिल।

तर एचआइभी व 'एन्टी रेबिज भ्याक्सिन' सेवा धासाः यथावत् जुइगु वयकलं धयादिल। बाह्य साधारण ओपिडी सेवा नं निरन्तर जुइगु तर भर्ना धासाः मकायेगु धकाः  वयकलं धयादिल।

१० न्हूथुखे अस्पतालय् कोभिड संक्रमित भर्ना जुइगु झ्वः अप्वगु दु। थुथाय् २० म्ह मल्याकं संक्रमितत वासः याकाच्वंगु अस्पतालं धागु दु। 

लिपांगु इलय् कोरोनाया न्हूगु अर्थात 'यूके भेरियन्ट' संक्रमण फैले जूगु कारण अस्पतालय् भर्ना जुइपिनिगु ल्याः अप्वगु खः। आःयागु भेरियन्ट न्हापां याःगु सिबें घातक जूगुलिइ अस्पताल भर्ना जुइपिं संक्रमित अझ थहाँवनिगु विज्ञतयसं धयाच्वंगु दु।