कोरोनाया जोखिम अप्वसेलिइ थारु समुदायं नखःचखः हनेत कार्यविधि दयेकल

कोरोनाया जोखिम अप्वसेलिइ थारु समुदायं नखःचखः हनेत कार्यविधि दयेकल


भदौ २१ - कोरोनाया जोखिम अप्वसेलिइ चितवनया थारु समुदायं थःगु नखःचखःया कार्यविधि दयेकुगु दु ।

थारु कल्याणकारिणी सभा जिल्ला कार्य समिति चितवनं जितिया, मोहनी, स्वन्ति, छठ, ध्यचाकु सन्हू नापं चैते दशैतकया नःख हनेत कार्यविधि दयेकाः सार्वजनिक याःगु खः । ‘नखचखया रित पुरा यायेनु, छेँय्परिवारय् सीमित जुया नखः हनेनु व कोरोना सङक्रमणपाखें बचे जुइनु’ धइगु मूल नारा थ्वयेकाः  ‘चितोनिया थारु’ समुदायया नखः कार्य विधि–२०७७’ जारी जुगु खः ।

नेपाल सरकारं २०७७ बैशाख १ गते निसें २०७७ चैत्र मसान्ततकया सार्वजनिक विदालिसें पर्व विदा सम्बन्धि मिति २०७६ चैत्र १७ गते राजपत्रय् प्रकाशित याःगु सूचंया लिधसाय् कार्यविधि दयेकुगु थारु कल्याणकारिणी सभा जिल्ला समिति चितवनया सभापति ललित कुमार चौधरीइ धयादिल । भिडभाड व सामूहिक रुपय् नख महसें छेँय्  परिवारय् जक सिमित जुया कोरोनापाखें जोगे जुइत कार्यविधि दयेकागु धकाः वयकलं धयादिल । कोरोनाया सङक्रमण क्वचाल कि कार्यविधि खारेज जुइगु सभापति चौधरीइ धयादिल ।

जितिया पर्वलिसें थारु समुदायय् नखचख सुरु जुइ । जितिया, यमोसा, दशैं, सोहोराइ (तिहार), छठ, एकादशी, खिचरा, फगुवा, दशहरा पर्व गुकथं हनेगु धकाः कार्यविधिइ न्ह्यथनातगु दु ।