विमल प्रभा बज्राचार्य, दिव्या ताम्राकार व बुद्ध नेवा:या सफूया पितव्वज्या

विमल प्रभा बज्राचार्य, दिव्या ताम्राकार व बुद्ध नेवा:या सफूया पितव्वज्या


फागुन १९ - नेपालभाषाया साहित्यया ख्यलय् स्वगू सफूया पितब्वज्या जुगु दु। नेपालभाषा परिषदं च्वमिपिं विमल प्रभा बज्राचार्यया इलं व्यूगु बाखं, दिव्या ताम्राकारया लिधंसा बाखं सफू व बुद्ध नेवाःया केंहे किजापिन्त मतिनाया पौ नांयाःगु स्वगू सफू पितव्वज्या याःगु खः।

परिषदया ग्वसालय् यलया साटोआकी भवनय् मंगलबाः जूगु ज्याझ्वलय् परिषदया नायः प्रा. सुवर्ण शाक्यं स्वगुलिइ सफूया पितज्वज्या यानादिगु खः।

ज्याझ्वलय् सफू च्वमिपिं विमलप्रभा बज्राचार्य, दिव्या ताम्राकार व बुद्ध नेवाःनं थःथःगु नुगः खँ तयादीगु खः।

ज्याझ्वलय् पूर्ण ताम्राकारं विमल प्रभा बज्राचार्यया सफू, ध्रुव मधिकर्मिं दिव्या ताम्राकारया सफू व डा. पुष्पराज राजकर्णिकारं बुद्ध नेवाःया सफूयात कयाः समीक्षा यानादीगु खः।

कवियत्री प्रतिसरा सायमिं न्ह्याकादीगु  ज्याझ्वः परिषदया नायः प्रा. सुवर्ण शाक्यया सभापतित्वय् न्ह्यागु खः। ज्याझ्वलय् परिषदया छ्याञ्जे ध्रुव मधिकर्मि लसकुस न्वचु बियादीगु खः ।