पार्किङ्ग यानातगु बसं टेलिभिजन खुयायंकूपिं स्वम्हसित ज्वन

पार्किङ्ग यानातगु बसं टेलिभिजन खुयायंकूपिं स्वम्हसित ज्वन


बैशाख २३ -  टेलिभिजन, क्यासेट प्लेयर, स्पिकर थज्याःगु सामान खुया यंकुपिं स्वम्हसित प्रहरीं ज्वगु दु । खुयाः कागु सामान नापं सिद्धलेक गाउँपालिका-५ पोखरीया २२ दँया अभिषेक श्रेष्ठ, १९ दँया श्याम श्रेष्ठ व २५ दँया  अजय श्रेष्ठयात सिद्धलेक गाउँपालिका-५ पोखरीं ज्वनागु धकाः प्रहरीं धागु दु । प्रहरीं  खुया काःगु  खुगः एलईडी टिभी, स्वगः क्यासेट प्लेयर, छगः स्पिकर व खुइत प्रयोग जुइगु ज्याःभ न बरामद यागु दु । 


निलकण्ठ नगरपालिका-३ स्थित कसाई त्वालय् पार्किङ्ग याःना तगु बा. ४ ख ७३८० ल्याःया बस, उगु नगरपालिका-८ बिर्ताबेशीं पार्किङ्ग याःनातगु ना.४ ख २८९१ ल्याःया बस‚ उगु नगरपालिका-३ पुच्छार बजारय्  पार्किङ्ग याःनातगु ना.६ ख ९१३० ल्याःया बस, अन हे पार्किङ्ग याःनातगु प्र.३-००५ ख ९५७२ ल्याःया बस व उगु नगरपालिका-३ स्थित जिल्ला अस्पताल न्हयःने पार्किङ्ग याःनातगु लु.२ ख १९५४ ल्याःया बसं थीथी इलय् टिभी व क्यासेट प्लेयर खुगु घटनाया अनुसन्धान यायेगु झ्वलय् सामान नापं इमित ज्वनागु धकाः प्रहरीं धागु दु।


खुगु घटनाय् संलग्नमध्ये छम्ह बिस्यूवनाच्वंगु  व मालेज्या जुयाच्वंगु प्रहरीं धागु दु।