स्वनिगलय् शर्तसहित यातायात व पसः सञ्चालन यायेदइगु

मेगु क्षेत्रया निषेधाज्ञा ३१ गतेतक थप

स्वनिगलय् शर्तसहित यातायात व पसः सञ्चालन यायेदइगु


भदाै २४ - स्वनिगलय् शर्तनापं यातायात व व्यापार क्षेत्र खुला जुइगु जुगु दु।

येँय् ,यल व ख्वपया प्रमुख जिल्ला अधिकारीया बुधबाः च्वंगु मंका बैठकं मापदण्ड दयेकाः यातायात, पसल सञ्चालन याके बिइगु तर मेगु क्षेत्रया निषेधाज्ञा ३१ गतेतक थप यायेगु निर्णय याःगु दु।

यातायात क्षेत्रय् जोर बिजोर प्रणाली लागू यायेगु व पसः शर्तनापं चायेकेबिइगु निर्णय जुगु ख्वपया प्रमुख जिल्ला अधिकारी हुमकला पाण्डें धयादिल। काेराेना भाइरसया सङ्क्रमण अप्वसेलिइ वंगु भदौ ३ गतेनिसें सुरु जुगु निषेधाज्ञा निकः थप याना थाैंतक(बुधबाः) थ्यकुगु खः। निषेधाज्ञा तसाः नं सङ्क्रमितया ल्याः अप्वयाच्वंगु दु। 

निषेधाज्ञाया कारण व्यापार व्यवसाय बन्द जुगुलिइ श्रमिकतयगु बिचल्ली जुगु धासें निषेधाज्ञा चिकेत प्यखेरं माग जुयाच्वंगु दु।