नेपालय् पदयात्रा व पर्वतारोहण खुला, ७ न्हू क्वरेण्टीन अनिवार्य

नेपालय् पदयात्रा व पर्वतारोहण खुला, ७ न्हू क्वरेण्टीन अनिवार्य


असोज १३ - सरकारं नेपालय् पदयात्रा व पर्वतारोहण यायेत वइपिं  विदेशीयात भिसा बिइगु निर्णय याःगु दु।

संस्कृति, पर्यटन तथा नागरिक उड्डयन मन्त्रालयं पदयात्रा व पर्वतारोहण यायेत नेपाल वइपिं विदेशीयात भिसा बिइगु निर्णय याःगु खः। पदयात्रा व पर्वतारोहणया लागि नेपाल वयेबलय् पालना यायेमाःगु शर्तसहितया मापदण्ड स्वीकृत यासें मन्त्रालयं निगुलिइ ज्याखँय् वयेत भिसा प्राप्त याःगु जुइमाःगु धागु खः। 

तर सम्बन्धित देशय् नेपाःया भिसा प्राप्त मजुइगु अवस्थाय् नेपालय् दुगु ट्राभललिसें ट्रेकिङ एजेन्सीपाखें पूर्वस्वीकृति कया नेपाल वयेफइ। एजेन्सीं पेस याःगु भ्वँ पर्यटन विभाग व नेपाल पर्यटन बोर्डं स्वीकृत यायेमाः ।थथे ट्राभललिसें ट्रेकिङ एजेन्सीया समन्वयलय् नेपाल वपिं विदेशीतयसं अध्यागमन विन्दुइ हे अनअराइभल भिसा कायेखनिइ । 

तर नेपाल वयेगु ७२ घ न्हययागु पीसीआर नेगेटिभ रिपोर्ट जुइमाः । अथेहे म्होतिनं ७ न्हू क्वरेण्टीनय् च्वनेगु याना नेपालय् होटल बुकिङ याःगु  जुइमाःगु सर्त दु। क्वरेण्टीनय् च्वंगु ५ न्हू खुन्हू थःगु हे खर्चय् पीसीआर परीक्षण याकेमाःगु नं न्ह्यथनातःगु दु। रिपोर्ट पोजेटिभ वसाः नेगेटिभ मवतलें होटल क्वरेण्टीनय् च्वनेमाःगु जुगु दु । 

अथेहे आरोहण यायेत वइपिं विदेशीइ ५००० डलर बराबरया व नेपाली ग्वाहालिमया १ लख तकाया कोरोना बीमा याःगु जुइमाः। स्वास्थ्य मन्त्रालयं क्वःछिनातगु फुक्कं  स्वास्थ्य सुरक्षा मापदण्ड पालना याःगु जुइमाःगु नं  मापदण्डय् न्ह्यथनातःगु दु।