टिप्परया ठक्करं ड्युटीइ खटेजुम्ह प्रहरी सीत

टिप्परया ठक्करं ड्युटीइ खटेजुम्ह प्रहरी सीत


जेठ १३ - ख्वपया मध्यपुरथिमि–४ य् टिपरया ठक्करं  महानगरीय प्रहरी वृत्त थिमीइ कार्यरत छम्ह  प्रहरी नायव निरीक्षक (सई) सीगु दु ।

सोमबाः बहनीसिया ९ः३० ईपाखें बा ४ ख ४७०१ व बा ४ ख ४३१८ ल्याःया टिपर अनियन्त्रित जुया थंवथं न्यासेलिइ  ड्युटीइ खटे जुम्ह सई निमबहादुर घर्तीमगर सीगु खः। दाङया रामपुर छेँय् जुम्ह वयक नर्भिक अस्पतालय् वासःया झ्वलय् मंगलबाः सुथय् सीगु धकाः महानगरीय प्रहरी परिसर ख्वपं धागु दु । दुर्घटनालिपा  वयकयात मध्यपुर अस्पताल यंकुगुलिइ अनं वासः जुइमफुसेलिइ नर्भिक अस्पताल यंकुगु खः। 

प्रहरीइ टिपर चालक धादिङया राजेन्द्र प्याकुरेल व राजेश सैंजुयात नियन्त्रणय् कयातःगु दु ।