ख्वपय् बिस्कं बिस्कं सवारी दुर्घटनाय् लाना निम्ह सीत

ख्वपय् बिस्कं बिस्कं सवारी दुर्घटनाय् लाना निम्ह सीत


असार १  - ख्वपय् जुगु बिस्कं बिस्कं सवारी दुर्घटनाय् निम्ह सीगु दु। 

म्हिगः बहनी बा ९५ प १४५५ ल्याःया मोटरसाइकल अनियन्त्रित जुया सडकया ढलय् कुतुवसेलिइ ख्वप कमलविनायकया १७ दँया रन्जित  महाजु सीगु महानगरिय प्रहरी परिसर ख्वपया प्रवक्ता डीएसपी दिपक गिरीइ धयादिल । महाजु येँया ट्रमा सेन्टरय् वासःया झ्वलय् सीगु खः।

अथेहे, ख्वप मध्यपुर थिमीया वोडेय् वंगु जेठ २९ गते बा ५ ख ४३११ ल्याःया लया ट्यांकर व बा ९२ प ७०७७ ल्याःया  स्कुटी न्याना स्कुटी ल्यूने च्वनावम्ह येँया कागेश्वरीया ४५ दँया लक्ष्मी कार्की सीगु महानगरिय प्रहरी परिसर ख्वपया प्रवक्ता डीएसपी गिरीइ धयादिल। कार्की म्हिगः आइतवाः बहनी अन्नपुर्ण न्युरो अस्पतालय् वासःया झ्वलय् सीगु खः। स्कुटीयात ठक्कर ब्यूम्ह रामेछाप छेँय् जुया ख्वप कमलविनायकय् च्वनाच्वंम्ह ४१ दँया सवारी चालक राजकुमार खत्री व गाडीयात प्रहरीइ नियन्त्रणय् कयातःगु दु।