मोटरसाइकल दुर्घटनाय् लाना येँय् निम्ह सित

मोटरसाइकल दुर्घटनाय् लाना येँय् निम्ह सित


माघ १८- मोटरसाइकल दुर्घटनाय् लाना येँय् निम्ह सिगु दु।

येँय्या कागेश्वरी मनोहरा नगरपालिका ७ अमरसिंह चोकय् बा ९३ प ३३१० ल्या:या मोटरसाइकल दुर्घटना जुया  चालक सिन्धुली छेँय् जुया आ: ख्वपय् च्वनिम्ह ३१ दँया निराजन बराल सिगु ख: । सडक लेन त्यला वयाच्वंगु बा ५ ख ४३ ७३ ल्याःया टिप्परयात साइड बिइगु झ्वलय्  मोटरसाइकल छेँय् न्यागु खः।

मोटरसाइकल चालक बराल राष्ट्रिय ट्रमा सेन्टरय् वासःया झ्वलय् सिगु महानगरीय ट्राफिक प्रहरी महाशाखां धागु दु।

अथेहे येँया न्हूगु बसपार्कय् मोटरसाइकलया ठक्करं लँजुवा सिगु दु । बा ८७ प ७०९२ ल्याःया मोटरसाइकलया ठक्करं लँजुवा लमजुङया दोर्दी गाउँपालिका ७ या ५६ दँया सुनमायाँ गुरुङ सिगु प्रहरीइ धागु दु।