अपडेटः हरिसिद्विइ काेराेनाया आशंकाय् स्वाब परिक्षण यायेत यंकुम्हसित आईसाेलेसनय् तइगु

हरिसिद्विइ कोरोना संक्रमणया यलया पाटन अस्पतालय् यंकुपि मध्ये स्वम्हसिगु स्वास्थ्य परिक्षण लिपा छेँय्  क्वाराईन्टानय् च्वनेत छ्वयाःहगु दु ।

अपडेटः  हरिसिद्विइ काेराेनाया आशंकाय् स्वाब परिक्षण यायेत यंकुम्हसित  आईसाेलेसनय् तइगु


चैत २३ - यलया हरिसिद्विइ कोरोना संक्रमणया यलया पाटन अस्पतालय् यंकुपि मध्ये स्वम्हसिगु स्वास्थ्य परिक्षण याना छेँय्  क्वाराईन्टानय् च्वनेत छ्वयाःहगु दु । आइतबाः सुथय्  यल महानगरपालिका वडा ल्या २९  हरिसिद्वि जलया  गुमज चाेक जख वालं च्वनाच्वंम्ह ४३ दँया छम्ह मिज नाप वयकया ३८ दँया जहान , १९ दँया काय् व  १२ दँया म्ह्याय् यात न काेराेना परिक्षणया लागि पाटन अस्पताल छ्वगु खः । 

अस्पतालं  वयकया जहान ,  काय् व  म्ह्याय् यात छेँय्  क्वाराईन्टानय् च्वनेगु याना लितछ्वयाःहगु धकाः वडा नं २९ या अध्यक्ष गणेशकुमार महर्जनं धयादिल ।  कोरोना संक्रमणया आशंका यानातम्ह ४३ दँया उम्ह  मिजयात धासाः स्वाव परिक्षणया रिपाेर्ट मवतले थप ३ न्हूया लागि  पाटन अस्पतालया  आईसाेलेसनय् तइगु जुगु धकाः महर्जनं धयादिल । 

अथेहे उगु  परिवारयात माःगु खाद्यान्न वयकपिं वालं च्वनाच्वगु हे ठासय् तयाबिइगु व कडा याना छेँय् हे क्वाराईन्टानय् च्वनेत सुझाव बियागु धकाः वयकलं धयादिल ।

थ्व न ब्वनादिस 

हरिसिद्विइ काेराेनाया आशंकाय् स्वाब परिक्षण यायेत अस्पताल यंकल